१ जुलै १९१३ : वसंतराव नाईक यांचा यवतमाळ जिल्ह्यातील पुसदजवळील गहुली गावात जन्म.

१९३३ : वसंतराव नाईक नागपूर येथील निलसिटी हायस्कूलमधून मॅट्रिक झाले.

१९३७ : वसंतराव नाईक यांनी मॉरिस कॉलेजमधून बी.ए. पूर्ण केले.

१९४० : वसंतराव नाईक यांनी नागपूरच्या विधी महाविद्यालयातून एल.एल.बी. पदवी घेतली.

१९४१ : वसंतराव नाईक यांनी पुसद येथे स्वतंत्र वकिली सुरू केली. 

६ जुलै १९४१ : वसंतराव नाईक यांचा वत्सला घाटे यांच्याशी नोंदणी पद्धतीने विवाह केला.

१९४२ : 'भारत छोडो' आंदोलनात सहभाग आणि खादीचे कपडे घालण्यास सुरुवात.

ऑक्टोबर १९४६ - जानेवारी १९५२ : पुसदचे नगराध्यक्ष म्हणून बिनविरोध निवड.

३१ ऑगस्ट १९५२ : इंग्रजांनी बंजारा समाजावर लादलेला 'गुन्हेगार जमातीचा काळा कायदा' वसंतराव नाईक आणि पद्मश्री रामसिंगजी भानावत यांच्या प्रयत्नांनी रद्द.

१९५२ : पहिल्या विधानसभा सार्वत्रिक निवडणुकीत वाशिम मतदारसंघातून विजयी आणि मध्य प्रदेश सरकारमध्ये महसूल खात्याचे उपमंत्री म्हणून नियुक्ती.

२१ जानेवारी १९५३ : यवतमाळ जिल्ह्यातील दिग्रस येथे 'ऑल इंडिया बंजारा सेवा संघा'ची स्थापना.

२९ डिसेंबर १९५३ : राज्य पुनर्रचना आयोगाची स्थापना.

१ नोव्हेंबर १९५६ : गुजरात आणि महाराष्ट्राचे मिळून ‘विशाल द्विभाषिक राज्य’ निर्माण झाले; वसंतराव नाईक यांची नव्या राज्याचे सहकार मंत्री म्हणून नियुक्ती.

१९५७ : द्विभाषिक मुंबई राज्याच्या निवडणुकीत पुसद मतदारसंघातून विजयी; यशवंतराव चव्हाण यांच्या मंत्रिमंडळात कृषी मंत्री म्हणून नियुक्ती.

१९६० : महाराष्ट्र राज्याची स्थापना आणि वसंतराव नाईक यांची महसूल मंत्री म्हणून नियुक्ती (१ मे १९६० ते ४ डिसेंबर १९६३).

१९६१ : सत्तेचे विकेंद्रीकरण; नाईक समितीच्या शिफारसीनुसार महाराष्ट्र जिल्हा परिषद आणि पंचायत समिती कायदा तयार झाला.

१९६२ : महाराष्ट्रात जिल्हा परिषद आणि पंचायत समिती स्थापन झाल्या.

१९६३ : 'कमाल जमीन धारणा कायदा' (सीलिंग कायदा) महाराष्ट्रात अस्तित्वात आला.

५ डिसेंबर १९६३ : वसंतराव नाईक यांनी महाराष्ट्राचे तिसरे मुख्यमंत्री म्हणून शपथ घेतली (जवळपास साडेअकरा वर्षांचा दीर्घकाळ कार्यकाळ सुरू).

१४ फेब्रुवारी १९६४ : मराठी ही सरकारी कामकाजाची भाषा असावी असा निर्णय.

१८ ऑक्टोबर १९६५ : पंतप्रधान लाल बहादूर शास्त्री यांच्या हस्ते जायकवाडी धरणाचा पाया रचण्यात आला.

१९६७ : दुसऱ्यांदा महाराष्ट्राचे मुख्यमंत्री झाले (१९७२ पर्यंत).

१९६८ : भुसावळ औष्णिक वीज केंद्रांची स्थापना.

१९६८ : महात्मा फुले कृषी विद्यापीठ, राहुरीची स्थापना.

१९६९ : पंजाबराव देशमुख कृषी विद्यापीठ, अकोलाची स्थापना.

१९६९ : भीमा नदीवरील उजनी प्रकल्पाची मुहूर्तमेढ.  

१७ मार्च १९७० : सिडकोची (City and Industrial Development Corporation) स्थापना.

१९७१ : 'न्यू बॉम्बे' (सध्याचे नवी मुंबई) विकसित करण्याचे काम सुरू झाले.

१९७१ : कापूस एकाधिकार योजना सुरू.

१९७२ : डॉ. बाळासाहेब सावंत कोकण कृषी विद्यापीठ, दापोलीची स्थापना.

१९७२ : वसंतराव नाईक मराठवाडा कृषी विद्यापीठ, परभणीची स्थापना.

१९७२ : रोजगार हमी योजना सुरू झाली (महाराष्ट्र हे अशी योजना सुरू करणारे पहिले राज्य).

१९७२ : तिसऱ्यांदा महाराष्ट्राचे मुख्यमंत्री झाले (१६ मार्च १९७२).

१९७२ : सिडकोने औरंगाबाद शहरात टाउनशिप विकसित करण्याचे काम हाती घेतले.

१९७४ : कोराडी येथे औष्णिक वीज केंद्रांची स्थापना.

१९७५ : विरोधकांच्या दबावामुळे वसंतराव नाईक यांनी मुख्यमंत्रीपदाचा राजीनामा दिला.

१९७६ : जायकवाडी प्रकल्पाचे लोकार्पण.

मार्च १९७७ : आणीबाणी समाप्त आणि लोकसभेच्या निवडणुका; वसंतराव नाईक वाशिम लोकसभा मतदारसंघातून विजयी झाले.

ऑगस्ट १९७९ : वसंतराव नाईक यांचे सिंगापूरमध्ये हृदयविकाराच्या तीव्र झटक्याने निधन (१८ ऑगस्ट १९७९).

१९८९: तत्कालीन मुख्यमंत्री शरद पवार यांनी वसंतराव नाईक यांची जयंती (१ जुलै) ‘कृषी दिन’ म्हणून साजरी करण्याचा निर्णय घेतला.